kennarahandbók: gs   nb  vb  ath  25.09.03

B R A G I

frumstig   þjóðfélag: orðaforði

Blaðamaður: viðtal

meta kennsluefnið

• Orðaforði: áhugamál.
• Búa til einfaldar setningar með miklum orðaforða.

• Sagnorð í sambandi við áhugamál (lesa, skrifa, hlusta, horfa); "fara í..." og "fara á..."
• Finnast gaman að ...
• Verkefnið byggir á síðunum: http://www2.hu-berlin.de/bragi/b1/b1rtg_ahugamal.htm http://www2.hu-berlin.de/bragi/b1/b1rtg_gera.htm http://www2.hu-berlin.de/bragi/b1/b1rtg_geta_eda_ekki.htm 

• Nemendur lesa listann og spyrja um þau orð sem þeir þekkja ekki.
• Bekkjarumræða um orðin og nafnháttarmynd þeirra.
• Kennari spyr einstaka nemendur og sýnir hvernig nota megi töfluna.
• Nemendur taka viðtal hver við annan og segja svo frá viðtalinu (í stórum bekkjum segir hver nemandi eina setningu).

• Nemendur tala hver við annan. Síðan skrifa þeir smá texta um áhugamál þess sem þeir ræddu við.
• Hver nemandi les a.m.k. eina setningu upp.
• Ef nemendur eru lengra komnir má bæta inn flytja/semja tónlist; búa til/framleiða myndir og þýða/semja/skrifa bækur.

• Ef efnið er notað fyrir byrjendur verða nemendur að halda sig við setningarnar sem upp eru gefnar og varast að nota "hún segir að + vh."
• Verkefnið er tillaga að byrjendaefni en því meira sem nemendur kunna, þeim mun skemmtilegra verður viðtalið.

• Nemendur þurfa að þekkja: henni/honum finnst gaman að ...

Samsetning hópsins

Tungumál hópsins

Stærð hópsins

Tími

Hvernig gekk

Dagsetning

Mjög gott blað. Ég spurði nemendurna í þetta sinn hvað þeim fyndist um verkefnið og þeir voru mjög ánægðir með það.

29.3.2001. Var að fara yfir skriflegu verkefnin sem ég lét nemendur á öðru misseri gera eftir samtal við hver annan í síðasta tíma. Tók eftir að sumir notuðu ekki rétt ópersónulegar sagnir (henni finnst, henni leiðist - *hún finnst, *hún leiðist). Þetta er í fyrsta sinn sem þau komast að ráði í snertingu við ópersónulegar sagnir. Þótt ég hafi minnst á málið þegar við unnum blaðið var það sýnilega ekki nóg. Ályktun mín er að það þurfi að fara nákvæmlega í ópersónulegar sagnir áður en blaðið er unnið eða á meðan það er unnið. Eftir öðru tók ég: Sumir leiddust út í að skrifa á þessa leið: „Hún segir, að ...“ Það var full snemmt því við höfum lítið fengist við aukasetningar og ekkert talað um óbeina ræðu og viðtengingarhátt. Ég benti nemendum á að forðast framannefnda leið og segja einfaldlega: „Hún segir: .....“ Semsagt að nota beina ræðu í stað óbeinnar. Ég notaði þó tækifærið í næsta tíma þegar ég skilað verkefninu að minnast á óbeina ræðu og viðtengingarhátt því það er ágætt að nemendur viti af þessu atriði þegar þeir lesa texta. Vegna þessa öngstrætis sem sumir villast inn í er hugsanlega fullfljótt að nota þetta blað snemma á öðru misseri.