Áður en land þetta, sem þið kallið Ísland, byggðist mennskum mönnum, fluttust hingað alls konar landvættir, huldufólk, dvergar og tröll og lifðu hér í friði og ró.  Ég var ein þessara trölla og lifðum við tröllin á hvölum og rostungum, fugli og fiski.  Á kvöldin í hellunum okkar, við nógan eld, sögðum við hvert öðru gamlar tröllasögur, fórum í leiki og skemmtum okkur.  Ég og fjölskylda mín áttum heima hér fyrir austan og vorum við göfgust tröllanna.  Svona leið tíminn þangað til mennskir menn fóru að nema hér land.  Þó gekk þetta þokkalega á meðan menn þessir trúðu á Óðin og Þór og alla Æsi.